Жаңа бастама, жаңа көзқарас

           Тіл – халыққа берілген маңызды қарым – қатынас құрал. Оны қоғамның дамуы үшін үнемі жетілдіріп, жаңғыртып отыру қажет. Осы орайда әліпби таңдау аса маңызды. Ал ұсынылып отырған латын әліпбиінің соңғы нұсқасы көпшіліктің көңілінен шығуда. Өз басым латын әліпбиіне көшуді қолдаймын. Латын әліпбиі - мемлекеттік тілдің қолданылу аясын кеңейтуге зор ықпал етеді деген ойдамын. Латын  әліпбиіне көшу — жай әліпбиді ауыстыра салу емес, бұл жаңа бастама, жаңа көзқарас, жаңа өркениет пен жаңа мәдениетті дамыту деп түсінгеніміз жөн болар. Латын әліпбиіне көшу арқылы біз еліміздің, мемлекетіміздің бір орнында тұрмай алға қарай дамып жылжып келе жатқанына көз жеткізе аламыз.

          Әліпби ауысады дегеннен бастап, әр түрлі пікірлер айтылуда. Оның ішінде жағымды да жағымсыз да пікірлер жетерлік. Сол пікірлерді оқи отырып бір тоқталымға келген жөн. Ата – бабамыз айтпақшы «Жұмыла көтерген жүк жеңіл», «Көз – қорқақ, қол –батыр» демекші халық болып, ел болып бірігіп жұмыс жасайтын болсақ, бұл да артта қалар бір қиындықтың бірі болмақ.